TOШКЕНТ, 9 август — Sputnik. 6 август куни кеч соат саккиз яримда Фарғона вилояти Қува туманидаги Мингчинор қишлоғида Damas автомашинасида тўрт киши тириклайин ёниб кетди. Бу ҳақда "1news.uz" хабар бермоқда.
Ҳодиса гувоҳларининг сўзларига кўра, Damas автомашинаси Captiva билан тўқнашиб кетган.
"Тўқнашувдан кейин ичида ҳайдовчи ва уч йўловчи бўлган Damasда ёнғин пайдо бўлди. Ёнғин оқибатида унинг салонидаги кишилар тириклайин ёниб кетди", — деди ЙТҲ гувоҳларидан бири.
Мазкур ҳолат бўйича жиноий иш қўзғатилган, тергов ҳаракатлари олиб борилмоқда.